पीपल्स एज्युकेशन सोसायटीला दिलेल्या निधीमुळे शैक्षणिक उपक्रम बळकट होतील : मंत्री संजय शिरसाट
परभणी : भारतरत्न डॉ.बाबासाहेब आंबेडकर यांनी शिकवलेले मूल्य अजूनही मार्गदर्शक आहेत. शिक्षण हे समाज सुधारण्याचे आणि विकासाचे प्रमुख साधन आहे. पीपल्स एज्युकेशन सोसायटीला दिलेल्या निधीमुळे या ठिकाणचे महत्त्वपूर्ण शैक्षणिक उपक्रम आणखी बळकट होतील असा विश्वास मंत्री संजय शिरसाट यांनी नागरी सत्कार सोहळ्यात बोलताना व्यक्त केला.
परभणी शहरातील ज्ञानोपासक महाविद्यालय परिसरात सह्याद्री फाउंडेशन, परभणी आयोजित भव्य नागरी सत्कार समारंभाला मार्गदर्शन करताना ते बोलत होते. पीपल्स एज्युकेशन सोसायटीला ५०० कोटी रुपयांचा निधी दिल्याबद्दल मंत्री संजय शिरसाट यांचा भव्य नागरी सत्कार पँथर सुधीर साळवे यांनी आयोजित केला होता.
यावेळी मंत्री शिरसाट यांचा छत्रपती शिवाजी महाराज यांची कोरीव राजमुद्रा व मानपत्र, शाल, श्रीफळ, हार देऊन ढोल ताशांच्या गजरात सत्कार करण्यात आला.
या प्रसंगी कार्यक्रमाचे स्वागत अध्यक्ष आनंद भरोसे, कार्यक्रमाचे अध्यक्ष ऍड.मोती शिंदे, प्रमुख वक्ते किर्तीकुमार बुरांडे, प्रा.विठ्ठल कांगणे, कुणाल कांबळे, विश्वजीत वाघमारे, प्रमुख पाहुणे समीर दुधगावकर, सचिन देशमुख, प्रल्हाद होगे, सूर्यवंशी ताई, माणिक पोंडे, राजेश बालटकर, सचिन पाटील, लक्ष्मी लहाने, मंगेश उबाळे, समाज कल्याण आयुक्त राजीव एडके, समाज कल्याण अधिकारी भोजने, प्रांजल बोधक आदी मान्यवर उपस्थित होते.
यशस्वीतेसाठी कैलास पवार पाटील, लखन जामकर, अमोल बेंद्रे, मनोज साळवे, आकाश अंभोरे, निलेश डुमणे, राहुल घनसावंत, सुनील लहाने, गणेश भालेराव, राहुल सोनवणे, शांती फुलवरे आदी भीमसैनिकांनी अथक परिश्रम घेतले. सूत्रसंचालन राहुल वहिवाळ तर आभार प्रदर्शन कैलास पवार पाटील यांनी केले.
