पुणे : पुणे शहरात मुलांचे अपहरण करणारी टोळी सक्रिय असल्याच्या अफवा सोशल मीडियावर पसरवल्या जात असल्याचे निदर्शनास आले आहे. हे सर्व दावे पूर्णपणे खोटे आहेत. नागरिकांमध्ये विनाकारण भीती आणि घबराट निर्माण करण्याच्या उद्देशाने असे संदेश पसरवले जात असल्याचे दिसून येत आहे.
सर्व नागरिकांना विनंती करण्यात येते की पालकांमध्ये चिंता निर्माण होईल अशा कोणत्याही असत्य माहितीवर विश्वास ठेवू नका किंवा ती पसरवू नका. सोशल मीडियावर असे संदेश फॉरवर्ड करणे टाळा. कोणतीही संशयास्पद घटना आढळल्यास किंवा आपत्कालीन परिस्थितीत, त्वरित जवळच्या पोलीस स्टेशनशी संपर्क साधा किंवा ११२ डायल करा.
पुणे शहर पोलिसांच्या अधिकृत सोशल मीडिया प्लॅटफॉर्मद्वारे देखील आमच्याशी संपर्क साधू शकता. अफवांना आळा घालून शहराला सुरक्षित ठेवण्यासाठी एकत्र मिळून काम करूया, असे आवाहन पुणे पोलिसांनी केले आहे.
