औताडवाडीत ४,३४० लिटर गावठी दारु जप्त; हातभट्टीचे दोन धंदे पोलिसांकडून उध्वस्त
पुणे : औताडवाडी येथे हातभट्टी दारूच्या दोन भट्टया उध्वस्त करुन, त्या मधील ४,३४० लिटर गावठी दारु व दारु तयार करण्यासाठी लागणारे १२,००० लिटर गुळमिश्रीत कच्चे रसायन जप्त करण्यात आले. एकूण ९,२७,५०० रुपयांचा मुद्देमाल हस्तगत करण्यात आला. काळेपडळ पोलीस स्टेशन कडून ही कारवाई करण्यात आली.
औताडवाडी, स्मशान भूमीच्या पश्चिमेस, ओढयालगत वडाची वाडी व सर्व्हे नं.१३/२ ओढयालगत वडाची वाडी येथे दोन जण गावठी हातभट्टी दारु काढण्यासाठी लागणारे साहित्य गोळा करुन, दारु काढण्याची भट्टी लावून, गावठी हातभट्टी दारु गाळण्याच्या तयारीत होते.
१) जगदीश भैरुलाल प्रजापती (वय २४ वर्षे, रा. काळेपडळ, हडपसर) २) गुलाब संपकाळ रजपूत वय ३३ वर्षे, रा. पिजनवस्ती, होळकरवाडी) अशी त्यांची नावे असून त्यांना अटक करण्यात आली आहे.
काळेपडळ कडील तपास पथकाचे सहाय्यक पोलीस निरीक्षक अमित शेटे, पोलीस उप निरीक्षक अनिल निंबाळकर, पोलीस हवालदार परशुराम पिसे, संजय देसाई, पोलीस अंमलदार लक्ष्मण काळे, विशाल ठोंबरे, सद्दाम तांबोळी यांनी छापा टाकून मुद्देमाल जप्त केला. हातभट्टीच्या दारुने भरलेले १२४ कॅन, १२,००० लिटर कच्चे रसायनसह दोन मोबाईल हॅन्डसेट असा मुद्देमाल जप्त करण्यात आला.
कोंढवा पोलीस ठाणे गु.र.नं.१३३२/२०२४ भा.न्या. सं. कलम १२३ सह महाराष्ट्र दारुबंदी अधिनियम सन १९४९ कलम ६५ (ब) (क) (ई) (फ) प्रमाणे गुन्हे दाखल करण्यात आले आहेत. गुन्ह्याचा पुढील तपास पोलीस निरीक्षक अनिल निंबाळकर करीत आहेत.
ही कामगिरी पोलीरा उप आयुक्त, परिमंडळ ५ आर. राजा, सहाय्यक पोलीस आयुक्त, वानवडी विभाग धन्यकुमार गोडसे, यांच्या मागदर्शनाखाली, वरिष्ठ पोलीस निरीक्षक, काळेपडळ पोलीस स्टेशन मानसिंग पाटील, यांच्या सुचने प्रमाणे पथकाने केली.
