विधीमंडळात प्रश्न उपस्थित होऊनही मसाजच्या नावाखाली वेश्याव्यवसाय सुरुच

पुणे : विधीमंडळात ‘स्पा’ च्या नावाखाली सुरू असणाऱ्या वेश्याव्यवसायाबाबत लक्षवेधी प्रश्न उपस्थित होऊनही हे प्रकार थांबवण्याची चिन्हे नाहीत.निरा स्पा सेंटर, कल्याणीनगर येथे अचानक छापा टाकून अरमान रहिमउद्दीन हुसेन (वय २१ वर्ष, रा.गल्ली नं.७, तिसरा माळा, विमाननगर) पुणे यास ताब्यात घेऊन त्याने वेश्याव्यवसाय करणास प्रवृत्त केलेल्या २ महिलांची सुटका करण्यात आली.

येरवडा पोलीस स्टेशनचे वरिष्ठ पोलीस निरीक्षक अंजुम बागवान यांना मिळालेल्या गोपनीय माहितीवरुन कल्याणीनगर येथील निरा स्पा सेंटर येथे वेश्याव्यवसाय चालू असलेबाबत माहिती प्राप्त झाली होती.

सदर माहितीची पडताळणी करुन बनावट ग्राहक पाठवून आरोपीविरुध्द भा.न्या. सं.क. १४३ (१) (३), ३(५) सह अनैतिक व्यापार प्रतिबंधक अधिनियम कलम ३,४,५ प्रमाणे गुन्हा नोंद करण्यात आला आहे.

आरोपीस अटक करण्यात आले असून पुढील तपास पोलीस निरीक्षक गुन्हे, येरवडा पोलीस स्टेशन विजय ठाकर हे करत आहेत.

सदरची कामगिरी अप्पर अपर पोलीस आयुक्त, पूर्व प्रादेशिक विभाग पुणे शहर मनोज पाटील, पोलीस उपायुक्त, परिमंडळ ४ चिलुमूला रजनिकांत, सहाय्यक पोलीस आयुक्त, येरवडा विभाग सुनिल जैतापुरकर यांच्या मार्गदर्शनाखाली करण्यात आली.

सहाय्यक पोलीस निरीक्षक दिनेशकुमार पाटील, पोलीस उप-निरीक्षक महेश फटांगरे, फौजदार शुभांगी चव्हाण, पोलीस अंमलदार कांबळे, मुकुंद कोकणे, शैलेश वाबळे, गणेश पालवे, साईनाथ म्हस्के, मोनिका पवार, दिव्या मोरे, सपना म्याना व सुवर्णा साळोखे यांनी सहभाग घेतला.

दरम्यान पोलीस आयुक्त अमितेशकुमार यांनी ‘स्पा’ च्या नावाखाली सुरू असलेल्या बेकायदेशीर धंद्यांकडे लक्ष देण्याच्या सूचना पोलीस ठाणे स्तरावर केल्या आहेत. तरीही ठिकठिकाणी मसाज पार्लर, स्पा अशा ठिकाणी वेश्याव्यवसाय होत असल्याचे दिसून आले आहे. काही ठिकाणी पोलीस ‘अर्थपूर्ण’ दुर्लक्ष करत आहेत. त्यामुळे यासंदर्भात कठोर नियम करावेत अशी मागणी होत आहे.